Наурызбай Қанатұлы

Иа, шымкенттіктер жақсы сериямен келе жатыр. Бірақ олар қостанайлық ұжымға қарсы сырт алаңдағы матчта біраз қиналатындай. Сол себепті "Тобылдың" жеңілмейтініне сенемін.

"Ақтөбе" бұл матчта сенімді жеңіске қол жеткізеді. Онымен қоймай топырлатып гол соғатындай көрініп тұр. "Қызылжарға" сеніңкіремей тұрғаным бар енді...

Алматылықтардың бұл матчта айқын фаворит екені анық. Бірақ бұл матчта көп гол соғылмауы мүмкін. "Қайрат" бір-екі гол айырмасымен ғана ұтады деп ойлаймын.

Семейліктер өз алаңына енді ғана оралды және ойын тәжірибесін толық жинап үлгермеді. Бұл матчта гол аз соғылады деп ойлаймын. Алиев мырзаға бір ұпай да жарап жатыр. Қорғаныста жатып алатын сияқты көрінеді.

Талдықорғандық ұжым өз алаңындағы матчта мұнайшыларға жол беруі мүмкін. "Атырау" соңғы матчтарда өте жинақы ойнауда. Сол себепті бір гол айырмасымен ұтуы мүмкін.

Бұл матчты болжау қиындау. Бірақ, ақтаулық ұжымның соңғы турлардағы алыптарға қарсы нәтижелі ойынын ескерсек, жеңіске жақын көрінеді. Сондықтан, бұл матчта теңізбен аттас ұжым үш ұпай еншілеуі керек.

Сөзсіз бұл матчта алаң иелері айқын фаворит. Сол себепті жеңіске жету керек. Одан бөлек соңғы турлардағы сүреңсіз ойынға тоқтай қоятын уақыт келді. Бабаян шәкірттері ертеңгі матчта жеңіс үшін ғана ойнайтыны сөзсіз.

Көкшетаулық ұжым бұл матчта жеңілмейді деп есептеймін. Өздеріңіз білетін Ринат Алюетаев шәкірттері маусымды керемет бастады және қазір үздік үштіктің қатарында келеді. Сол себепті олар шығыстан құр қайтпайды.