Rymbek Izgali

Тобыл гол соғады да жібереді де, сондай көңілді команда

Өз алаңында жеңіске жетуі керек

Кәрейлердің құрамы мықты. Оңай алу керек

Өз алаңында барын салып ұту керек.

Бұл жолы ойын басқаша болады. Меніңше бір голды соға алады, екінші голды мыжғылап жүріп соғар.

Өзбектер еуропалық командалармен енді кездесіп жатыр. Жалпы Өзбекстанның тұрарлық деген қарсыластарын алып қарасаң: Уругвайдың екінші емес, тіпті үшінші құрамына жеңіліп қалған былтыр. Ал Канада ше, алпауыт команда емес қой. Сондықтан бұл жерде Нидерланды класс көрсетеді, аямайды деймін. Жақсы Хусанов 1-2 сейв жасар, голдан аман алып қалар, бірақ жалғыз өзі не тындырады?

Бізде жас шабуылшылар шығып жатыр. Екі гол салуға қауқары жетеді. Арменияның қорғанысы көп гол жібереді.

Жарақат алып қалмау керек.

Соншама масқара болып ұтыла қоймас

Мен өзі үлкен коэффициентті ұнатамын. Төрт голды Норвегияның өзі салып тастайтындай қауқары бар.

Сенімдімін, Мальта тіпті жолдастық кездесудің өзінде автобус қойып ойнайды.

Енді гол соғу үшін жолдастық кездесу емес па?)

Екі Атлетико кездесіп жатыр)

Арсенал үшін бұл ширек ғасырда бір кезедесетін мүмкіндік, ал ПСЖ Реалдың қолда тұрған кубокті көтере бергісі келеді.

Соңғы жылдары канадалық спортсмендер жарқ етіп жатыр ғой, дегенмен Киз - ол Киз

Оқжетпестің соңғы матчтардағы жеңістеріне сараптап қарайық. Соңғы Алтаймен матчта бұрыштамадан гол соқты, содан кейін Алтайдың бірнеше гол салатын мүмкіндіктерін Оқжетпес қақпашысы тойтарып отырды. Шыны керек матчтың үздік ойыншысы дер едім.

Астанамен матчты өзім көріп келдім. Ойыннан Оқжетпес тек Астана амалсыз ашыла бастаған кезде ғана гол соғатын сәттер туындай бастады. Әйтпесе оған дейін Астананың басымдығымен өтті ойын. Тағы да сол бұрыштамадан гол салды. Оның алдындағы матчтар да сол: қарсыласы қызыл қағаз алып жатты.

Ал Ақтөбе ше. Жағдайы мәз емес. Артур таза мүмкіндіктерді голға айналдыра алмай жүр. Таркович келгелі ойыны тәуір боп келеді. Соңғы Қызылжармен матчта шыны керек 3 ұпай емес, 6 ұпай алатындай мүмкіндіктер болды. Тек доп Қызылжар қақпасына кірмеді. Атыраумен де Ақтөбенің басымдығымен өтті. Ордабасыдан да кем ойнаған жоқ.

Сөйтіп, біраз пайымдап, Ақтөбе жеңеді деп отырмын. Ұлымды алып Көкшетауға барып қайтамын.

Қазір қалай екенін білмеймін, бірақ кезіндегі біздің Шмидгальдің командасы ғой. Сеніп көрейік

Ұлытаудың 2 гол салатын уақыты келді. Әрине, Каспийдің ойын мәнері "алдымен қорғаныс, қалғаны артынан". Дегенмен де Ұлытаудың матчтар көп көрдім, әр матч сайын 3-4 гол салатын мүмкіндік жасайтын.

Кестедегі екі "көрші" 1 ұпайға таласады. Қонақтар Испанияның "ұтылмау турнирінде" қазір екінші орында келе жатыр. Айдың аяғы болатын Конференциялар лигасына "шығынсыз" жету аса маңызды. Онсыз да лазаретте маңызды ойыншылар бар.

Ал Валенсия бұл жағдайды пайдалану керек. Өйткені өз алаңында не жеңеді, не жеңіледі. Теңге көп келісе бермейтін команда.

Көрейік не боларын.

Финалда негізі командалар өте сақ әрі абайлап ойнайды. Финалда бір қатенің құны титул. Бірақ бұл Бельгия командаларына қатысты емес. Бұл жақта бірінші шабуыл, екінші қорғаныс. Сондықтан көп гол күтемін бұл матчтан.

Барса чемпион, енді оны ешкім өзгерте алмайды. Сондықтан резервті шығарып, ұтыла беруге де болады. Ал Алавеске жеңіс ауадай қажет.

Әрине Кристал үшін финал қайда маңыздырақ. Сити өз алаңында бар мәселені барынша тезірек әрі ірі есеппен шешуге тырысады. Өтйкен Арсеналдың "валидолды" матчын көрді ғой)

Әрине финалда көп гол бола бермейді. Бірақ "алдыңғы матчта 3 гол салған Локомотив тағы неге салмайды?" деген сұрақ қатты мазалап тұр да)

Қайсарға шегінерге жол жоқ. Тобыл бапкер ауыстырғаннан кейін, басқа мотивациямен ойнайды. Оның үстіне Кубоктың бұл матчында қарымта деген жоқ. Сондықтан голға голмен ғана жауап бересің, басқа жолы жоқ.

Ордабасының ақ арманы - чемпион атану. Оның үстіне Өскеменнен шаршап келеді, тіке рейс жоқ. Ал Жетісу ойыны түзеліп келе жатыр, одан бөлек қонақтарда бір күн ерте өткізді матчын. Талдықорғаннан Шымкентке жол да жақын дегендей.

Жеңіс соңғы кездері гол да соғып, жіберіп те жүр. Қызылжардың да шабуылы жаман емес. Сондықтан екеуінен гол күтемін.

Алтай екінші құрам шығаратын шығар. Өйткені олар 2 күн бұрын Ордабасыға қарсы ауыр матч өткізді. Сонымен қатар Өскеменнен Ақтөбеге тіке рейс жоқ, Алматы арқылы ұшып келді. Жаттығу түгілі демалуға уақыты болмады. Келесі матч 3 күннен кейін Петропавлда. Оған тағы жету керек. Оның үстіне кубоктық матчта Ұлытауға қарсы екінші құрам шығарған еді. Ал Ақтөбе ше? Олардың жағдайы оңай. Бүгін Алтайды қабылдайды, келесі ойыны Атыраумен тағы да Ақтөбеде. Алдыңғы матч да Ақтөбеде болды. Алтай болса чемпионатта соңғы орында, ұпай жинауы керек. Ақтөбе үшін Кубок қаншалықты маңызды екені Елімаймен матчта көрінді. Негізі бұдан да үлкен форамен ұтуы мүмкін. Бірақ мына бәстің өзіне жақсы беріп тұр екен. Меніңше оңай шығуы керек.

Фернандес өте еңбекқор, әрі жас теннист. Біздің Рыбакина әрең жеңген еді. Сондықтан бұл фора өтуі керек.

Испанияда Жирона, Португалида Фамаликан ұнайды.

Жозенің командасы маңызды матчтарда ылғи сарыны көп алады. Ойыншылардың жүзін шығарып қайрап жіберетін сияқты соған қарағанда)

Қонақтардың бір голына сенемін. Шпорлардың қорғанысы да керім емес.

Қонақтар әрине салады.

Бұл матч тартысқа толы болады. "Арсенал" өл-тіріл 3 ұпайсыз қайтпауы керек. Сондықтан қонақтар үшін бүін алдымен гол салып, содан ол есепті сақтап қалу керек. Есеп сақтау үшін бәріне баруға болады, тіпті 90-минутта 2-3 сарыны да ала салады. Оны көрдік.

Егер "Кристалдың" соңғы матчтарын қарасаң, тек бір бірден бұрыштама көтеретін болыпты. Ал қарсыластары ойқастап көтереді екен. Сондықтан бұл бәстің өмір сүруге қақысы бар.

"Ноттингем" маусым соңына қарай қарқын алып кетті. Еуропа лигасының жартылай финалына дейін жетті. Алаң иелерінен өз басым биыл көп нәрсе күтпеп ем. Қателесіппін. Қонақтар 5 қатар жеңілістен кейін "Брайтонды" жеңіп, жеңілдеп қалғандай болды.

Екі команда да ұшпайды да, қонбайды да. Сондықтан өз рақатына ойнайды деп ойлаймын, еш қысым жоқ.

Әрине алаң иелерінің жеңісін көруге болар еді, бірақ босаңсып, бірінші болып гол жіберіп алады деген қауіп те жоқ емес.

Өз алаңында "Бернли" неге салмасқа?! Өйткені АПЛ-де бар болғаны 3-ақ матч ойнайды. Енді қашан қайтып келеді? ... үлкен сұрақ.
Ал қонақтар Еурокубокте матч өткізді, ал чемпионатта 2 матч жеңілді, 3 матч қатарынан гол жіберіп жатыр. "Бернлиге" шегінерге жол жоқ, ал "Астон Виллаға" абайлап ойнау керек.

"Вильярреалдың" биылғы жетістігі - Ла Лигадағы қола. Чемпиондар лигасында "Қайраттан" аз гол салды тіпті. Анарбеков сау болғанда, "Қайрат" тіпті бүгінгі матчтың қонақтарынан биік болар еді. Жә, көп бөспей, бүгінге не болжағанымды түсіндірейін. "Вильярреалдың" қонақта "бір голын" жиі соғып тұрады. Чемпионаттағы мәселе минимум шешіліп тұр. Аса бір қауіп жоқ, неге топырлатып гол салмасқа?! Салсын.

"Қайсар" "Ақтөбе" үшін өте ыңғайлы қарсылас. Тіпті "Ақтөбенің" қиын кезеңдерінде lе "Қайсарды" жеңіп жүрді. Әрине 3 гол салу қиындау болар, бірақ Орталық стадионның қолдауы сеп болар.

"Алтай" қонақтардың амбициясын жақсы біледі. 3 ұпай үшін келе жатқанынан да хабардар. Қонақтардың қонақтағы ойын мәнері Шымкенттегіден бөлек. Ол әрине түсінікті де. Сондықтан ашық ойын күте қоймаймын. Қонақтарға тек нәтиже керек, әдемі ойынды олар тек Мұңайтпас стадиумында ғана көрсетеді. Сол да жетеді. Бастысы чемпион атану.

"Қайрат" қонақта ірі есеппен жеңбегелі қашан?! Тура бір жыл бұрын осы "Ұлытауды" 1-4 есебімен ойсыратқан еді. Бірақ "Ұлытау" биыл мүлдем басқа команда. Жұлдызды "Ақтөбеден" ұпай тартып алды, чемпиондыққа үміткер деген "Елімайды" жеңе салды. Мұны Оразбақтин жақсы түсінеді. Сондықтан алаңдағы мүмкіг болатын оқиғаларды аса бір желіктіре қоймас. Байыппен ойнап, бастысы 3 ұпай қағидасына сүйенетіні түсінікті. "Ұлытау" да чемпионға қарсы ойнап жатқанын 90 минут есте ұстайтыны түсінікті.

Қайсардың ойыны көңіл көншітпейді. Бұл командалар кубоктың матчта кездескен еді. Қайрат толықтай дубльмен, өз академиясының түлектерімен ойнады. Соның өзінде Қайсар әрең жеңді десек болады. Ал бұл чемпионат және Қайратқа 3 ұпай қажет.

Бірінші матчта Атлетико қонақта ойнап жатқандай болды. Арсенал алаң иелерін өз жарты алаңынан шығармады.

Әрине, Арсенал Фулхэмге қарсы матчта негізгі құрам шығаруға мәжбүр болды. Ал , Ла Лигада Атлетико екінші құраммен қонақта жеңіп кетті.

Матч алдында екеуінің де көңілі шат. Әсіресе Арсеналда, өйткені МанСити қонақта ұпай жоғалтып, чемпиондық мәселесіне үміт сыйлады.

Орда өз жанкүйерлерінің алдында тек шабуылдайтын болады. Ал Тарковичтің тактикасы қарымта шабуыл. Тіпті Елімайдың аралас құрамының өзіне алғашқы голды қарымтадан салды емес пе?

Ал Ордабасы жабық командаларға қарсы ойыны жүрмейді. Ертіс, Атырау сияқты жабық командаларға қарсы қалай ойнағанын көрдіңіздер.

Каспийді елдің бәрі ұтып жатыр ғой, бір сенсация жасайтын уақыты болған шығар

Ұлытаудың ойыны шабуылға негізделген, ал Елімайдың бір гол сала алатын қауқары бар.

Бүгін Арсенал жеңуі міндетті.

Өте қауіпті бас) Бірақ екі команданың ойындарына қарасаң, осылай сияқты. Екеуі де гол салғаннан көрі, гол жібермеуді ойлайтын команда. Жетісу тіпті өте жабық команда, шабуылының бәрі тігінен ұйымдастырады, тек әуемен 90 метрге пас беріп, алдағы шабуылшылар ілсе, тебеді, ілмесе бәрі артқа қайтады.

Бавария ПСЖ-ға қарсы дайындалады. Чемпион болып қойды. Бұл матчтың түкке де керегі жоқ.

Ертістің бүгінгі қонақтардай жұлдызды құрам болмаса да, ойыны тәп тәуір. Пас, комбинация. Ал Қайрат қонақтағы ойындарында аса қатты басымдылыққа ие бола алмай жүр.

Оның үстіне синтетикада болатын ойында Қайраттың аса қатты басымдылығы бола қоймас. Сондықтан да бүгін Ертіс ірі есеппен ұтылады дегенге сенбеймін өз басым. Тіпті ұтылады дегеннің өзі қиындау.

Оқжетпес соңғы ойындарда кішігірім мәселелер бар екені байқалады. Маусым басында шауып тұрған комнданың қазіргі ойыны мәз емес.

Ал Қызылжар керісінше, маусым басында қиындықтарға тап болса, қазір ойыны бір қалыпқа түсіп келе жатыр.

Оқжетпеске жағдайды түзету үшін гол салу керек, ал Қызылжар енді ұпай жинай бастауы керек, әсіресе 3 ұпайдан.

Екеуінің арасында жиі кездесетін есеп