Ұлттық құраманың экс-ойыншысы “Оқжетпеске” сенеді

🔥 Қазақстан құрамасының бұрынғы ойыншысы Вячеслав Эрбес Sports.kz сайтына берген сұхбатында ҚПЛ-дың 10-туры аясындағы “Оқжетпес” пен “Астана” матчы туралы өз болжамын айтты 👀

Маманның айтуынша, бұл қарсыластықтың статистикасы анық “Астананың” пайдасында. Эрбес арнайы қарап шыққан дерек бойынша, “Оқжетпес” соңғы рет “Астананы” 2012 жылы жеңген екен, оның өзінде сырт алаңда. Ал Көкшетаудағы соңғы жеңіс тіпті 2010 жылға барып тіреледі 😮

Дегенмен биылғы маусымда жағдай сәл өзгеше көрінеді.

“Астана” тұрақты ойын көрсетіп жүрген жоқ. Команда сырт алаңда ҚПЛ аутсайдерлерінің бірі саналатын “Каспийден” жеңіліп қалып, жанкүйерлерін таңғалдырған еді. Оның үстіне көкшетаулықтарға қарсы қонақта ойнау елордалық клуб үшін әрдайым қиын болған.

💬 Эрбестің пікірінше, бұл жолы тең дәрежедегі тартысты матч болуы мүмкін:

— Бұл ойында тең деңгейдегі футбол күтемін. Сондықтан алаң иелері ұпай алып кетуі әбден мүмкін, — деді маман.

📍 Еске салайық, “Оқжетпес” — “Астана” матчы ертең Көкшетауда өтеді.

🕔 Ойынның басталуы — 17:00.