Гонсало Гарсия «Реалға» қажет емес – жазда кетеді. Ал Эндрик қайта оралады

Шешім әлдеқашан қабылданған.

Реал Мадрид жазғы трансферлік терезе алдында құрамды қайта қарап, кімдермен қоштасатынын анықтап жатыр. The Athletic журналисі Марио Кортегана клуб Гонсало Гарсияны сату туралы шешім қабылдағанын хабарлады.

Жалға беру емес, толық сату

22 жастағы Гонсало Гарсия – «Реалдың» негізгі командасындағы алғашқы маусымын өткізіп жатыр. 2024/25 маусымында оны кейде бас бапкер Карло Анчелотти алаңға шығарған. Ал 2025 жылдың жазында жағдай оның пайдасына шешілді: Килиан Мбаппе тағамнан уланды, ал Эндрик екі айға жарақат алды. Сол себепті Хаби Алонсо шабуылшыларсыз қалып, Гонсалоны клубтар арасындағы әлем чемпионатында негізгі құрамға қосты.

Гарсия сол турнирде 4 гол соғып, үздік бомбардир атанды. Бірақ жаңа маусымда оның ойын уақыты айтарлықтай қысқарды — сәуірдің ортасына дейін бар болғаны 1190 минут өткізген.

Наурыз айында-ақ БАҚ-та оның тұрақты ойын тәжірибесі үшін клубтан кетуі мүмкін екені жазылған еді.

«Реалдың» жоспары – таныс схема

Кортегананың мәліметінше, «Реал» Гарсияны сатуды, ал оның орнына Эндрикті қайтаруды дұрыс деп санайды.

Жалға беру нұсқасы қарастырылмайды. Мадрид клубы жаңа команда Гонсалоға толық сенім артып, тұрақты ойын уақытын беруін қалайды. Сонымен қатар, «Реал» ойыншының құқықтарының бір бөлігін өзінде сақтап қалмақ.

Бұл – клуб бұрыннан қолданып жүрген стратегия:

• ойыншының бір бөлігін бірнеше миллион еуроға сатады
• кері сатып алу құнын (buyback) төмен деңгейде бекітеді
• кейін ойыншы ашылса — арзанға қайтарады немесе үшінші клубқа қымбатқа сатады
• сол жағдайда трансферден шамамен 50% пайда алады

Бұған дейінгі мысалдар

Соңғы мысалдар ретінде:

• Нико Пас (Комо)
• Виктор Муньос (Осасуна)

Бұл ойыншылар жазда не 8–10 млн еуроға «Реалға» қайта оралады, не үшінші клубқа қымбатқа сатылып, мадридтіктер табыстың жартысын алады.